Historiku i Rafting në Shqipëri

Ishte viti 1985,  kur Zamo Spathara me një grup djemsh , zbresin në fshatin Hambull të qarkut Berat, buzë bregut të lumit Osum.Me komerdaret e sajuara nga gomat  e kamionave , nisin nje aventurë të vogël, duke përshkruar për te parën herë Kanionet e lumit Osum, vend përrallor me një natyrë të virgjër e bukuri marramendëse...Ishte pikërisht kjo aventurë e vogël , që realizoi një endërr te madhe me krijimin e grupit të parë të rafting ne Shqipëri, Albania Rafting Group!

Mes mijërave vështirësive, ky grup, i apasionuar pas këtij sporti vazhdon me eksplorime të guximshme në Lumin Valbona, Bunë, Drin,Shkumbin,Vjosë...

Sot Albania Rafting Group është e anëtarësuar pranë Federatës Shqiptare të Rafting dhe e vetmja me një staf të kualifikuar guidash eksperte, të cilat operojnë në bazë të ligjit shqiptar në fuqi, në përputhje me normat ndërkombëtare.

Në vitin 2003 ky grup tërheq vëmendjen e mediave kombëtare, të cilat japin nje Shqipëri ndryshe, duke lancuar te ashtuquajturën prej tyre “Zbulimi i shekullit”:

•    Top Channel-Emisioni Jashtë Bulevardit “Shqipëria Tjetër “

•    TVA-Emisioni Zonë e Lirë “Njeriu që bën zbulimin e shekullit “

•    Tv Klan-Emisioni Zonë e Lirë “Koloradot e Shqipërisë”

•    TVSH- “Koloradot e Shqipërisë”

•    Tv Klan-Emisioni Ora 7.00 “Kanionet e Osumit, një mrekulli e pafund “

•    Tv Ora News “ Rafting Day , Berat”, maj 2009

•    Vizion Plus '' Dita Ime'', viti 2010

•    Tv Ora News “ Berat Festival”, maj 2010

•    News 24“ Rafting Day , Berat”, maj 2010

•    Top Channel ''Shqip'', maj 2011

•    Tv. Klan ''Opinion'', shtator 2011

•    TVSH ''Zig Zag'', viti 2011

•    Vizion Plus '' Ora 5'', viti 2011

•    Tv Sky ,  Italia 7, Rai 3 dhe ZDF.

Pa dyshim që nuk mungojnë me dhjetra shkrime në median e shkruar, ku mund të përmendim :

•    Revista : “Turizmi shqiptar “, viti 2002

•    Gazeta Republika, viti 2003

•    Gazeta Ndryshe , viti 2005

•    Gazeta Metropol, viti 2009

•    Gazeta Shekulli viti 2011

•    Revista Monitor , viti 2011

•    Revista Klan, viti 2011

e deri në median e shkruar jashtë Shqipërisë të cilat do jepnin nje imazh të ri te saj në USA, Slloveni, Itali, Gjermani etj.

Albania Rafting Group ka marrë pjesë në eksplorime të shumta nëpër botë si në lumin Drini i Bardhë në  Kosovë, në lumin La Nera Terni dhe në kaskatën Marmore ne Itali, ne lumin Soca , Bovec në Slloveni,në lumin Futaleufu në Kilë, në lumin Vardar në Maqedoni.

Albania Rafting Group ka shoqëruar te Kanionet e lumit Osum,jo vetëm qytetarë të Shqipërisë por edhe qytetarë të shtatë kontinenteve të botës .Personalitete të mëdha i kanë quajtur ato “ Mrekullitë e Europës “.

Sot Albania Rafting Group ka një zhvillim të madh dhe njohje të gjerë.Me nje staf te kompletuar tashmë anetarë te saj janë të apasionuarit e sportit rafting nga e gjithë Shqipëria dhe bota.

Ky është vetëm fillimi.Historia vazhdon…ti mund të bëhesh pjesë e saj…